هل تقبل الزواج بفتاة تعرف عليها من الشات او...او ...او ...؟؟

السلام عليكم

الموضوع باين من عنوانه سوال لكل شاب

هل تقبل الزواج بفتاة تعرفت عليها من الشات او الماسنجراو تعرف عليها من منتدي

او كذا وكذا وكذا او بالتلفون كلمتو بعض وبعدين اتقابلتو

مممممممممممممممممم

ايه وجهة نظركم بالموضوع ده

ميرسي للي هيدخل ويديني رده

وجة نظرى انة ممكن لو كان فى صدق حقيقى بين الاتنين ومحدش بيكدب على التانى وانها علاقة محترمة ويسودها الحب والتقدير والاحترام اما خلاف ذلك براى انة مستحيل

رائى انه ممكن لا النت وسيله زى اى وسيله اخرى ممكن من خلالها يحدث تعارف وارتباط بس المهم انه يكون فى مصداقيه فى التعارف

شكرا للقلب الحزين
وشكرا ليكي يادعاء
اسعدني مروركم وتعليقاتكم
وانا معاكو كمان الصدق والاحترام اهم شئ في علاقه من النوع دا
وفي اي علاقه عموما وغير كدا طبعا بيبقي صعب ومستحيل

انا راييى انه ممكن برضو انها تحصل بس فى الدول العربيه بنسبه بسيطه جدا ولكن فى الغرب عموما موجود بنسبه اكتر لان هما عمليين بشكل اكتر وبيحبو المغامرة والتجريب اكتر مننا
وهى احيانا ممكن تكون فكرة مثيرة لكن اهسل عندهم من عندنا لان البنت عندها حريه مطلقه فى قراراتها الشخصيه واختيارها
لكن للاسف فى المجتماعت العربيه البنت مقيده براوابط واعتبارات كتير من ناحيه الاسرة حتى لو هى متقبله الفكرة الاهل فى الغالب والمجتمع عموما بيرفض الفكرة ومش بيتقبلها بسهولة
حتى لو كان فى مصداقيه بين الطرفين
شكرا على الموضوع والردود من الاعضاء

شكرا ع التعليق يادكتر
اسعدني مرورك

فعلا انا معاك دكتور حمادة فى رائيك وشكرا على مرورك

شكرا غاده ع لرد وشكرا للقلب الحزين على التقدير والمتابعه

العفو دكتور حمادة انت ترغم من يقرا ارائك على التقدير

شكرا بارك الله فيكى
ياريت تفتحى اميلك على الياهو
اى وقت تكونى اونلاين
شكرا على التعليقات

مرسى يا غاده على طرحك لموضوعك

موضوع مهم جدا

بس مش كفايه التعارف

ومن رايى ان مفيش ارتباط عن طريق النت

ممكن زى ما قال حماده انه فى الدول الغرب

لاكن العرب فى عادات وتقاليد لا نتعداها

وانا من رايى انا مقبلش انى اتجوز ع طريق النت

حتى لو صادق فى كل تصرفاته

لانه لو صادق مش هيستخبى ورا شاشه

تحياتى لكل من غاده حماده القب الحزين doaa

فعلا نور عندك حق وتحياتى ليكى ولكل اعضاء النتدى

بجد بشكرك يانور وتعليقك جميل جدا جدا
لانه لو صادق مش هيستخبى ورا شاشه
جميل يانور
وانا فعلا معاكي في الراي دا
وبشكر كل الاعضاء اللي علقو ع الموضوع دا
وبحترم كل ارائهم وتعليقاتهم طبعا
بس انا ملاحظه حاجه وعايزه اعلق عليها بس
انا ملاحظه ان ردود الاعضاء ع الموضوع دا متناقضه شويه
بمعني
انهم بيقولو وجهة نظرهم في الاول ويرجعو بعد كدا يقولو وجهة نظر تانيه مخالفه شويه
اوبيتاثرو بتعليق وردود باقي الاعضاء وانهم معاهم في نفس الراي
بدليل التعليق اكتر من مره وكل مره اسلوب مختلف
انا كنت عايزه اعلق ع النقطه دي بس
وعايزه اعرف وجخة نظر كل عضو المستقله واللي هو مقتنع بيها من جواه فعلا
مع احترامي لك الاعضاء وكل وجهات النظر المقدمه طبعا
واختلاف الراي لايفسد للود قضيه
وشكرا لك من ساهم بالرد والتعليق علي الموضوع
من حماده ودعاء والقلب الحزين ونور
وانا كمان هقولكم راي في الموضوع دا واللي مقاتعه بيه من جوايا

]اعود من جديد للتعليق على هذا الموضوع
لانه فعلا موضوع ساخن ومهم ويستدعى النقاش
ولو انى قولت تفسير كويس فى التعليق الاول
بس فعلا زى مقالت غاده للاسف فى بعض اراء متناقضه
ياجماعه انا هعرض الموضوع تانى من وجهة نظرى الشخصيه
مع تحليل مفصل ومحايد بدون مبالغه او مجاملة فى شىء
او الانترنت عموما فى هذا العصر يعتبر من اهم وانجح انجازات الانسان
وصورة مجسمه لما توصل اليه العصر من وسائل التكنولوجيا والتطور وجهد
مضنى من علماء ومهندسون وخبراء تعبو كثيرا لكى يصلنا هذا الابداع العلمى
الذى يعتبر بصراحه نعمه من الله يسرها لنا لتخدمنا فى امور كثيرة جدا
وللحديث عن مزايا وفاوئد الانترنت التى يقدمها لنا ويوفر علينا الجهد الشاق والعناء
ببساطه يقدم لنا العالم بين يديك وانتى جالس فى مكانك وهذا باختصار يكفى
كما احب ان ازكر اشياء اخرى لم يناقشها معمنا فى عقله بحياديه او انصاف
دائما للاسف الشعوب العربيه هى اخر من يصلها وسائل التكنولوجيا
واخر من يتقدم حتى فى فكرهم وعقولهم
دائما هم المسبوقين فى كل شىء
وهذا يزكرنى بموضوع القلب الحزين عن موضوع نظرة العرب لاسم الام على انه عار او فضيحه او شىء مخجل وحتى لايعرفون سبب مقنع او تفسير لذلك
فهذا ايضا الحال هنا فى المجتماعت الشرقيه لنظرتهم للانترنت
هم يعتبرونه ببساطه عبارة عن قله ادب وشباب تافه وبيعملو جاتا غير لائقه على النت
وان اى بنت بتدخل ع النت لازم تكون بالضرورة مش كويسه او غير محترمه لانها بتدخل ع النت لوحدها وبدون رقابه
وعشان كدا مستحيل ان ولد يتزوج عن طريق الانترنت والا يكون مجنون او غير مكتمل الرجوله
لانه يقبل هذا الوضع ويتزوج فتاه عن الطريق النت وهذا غر الهجوم الذى سيتعرض له من اهله واصحابه حين يعلمون ذلك انه تعرف على شريكه حياته من النت وسوف يظل الجميع ينظر لها بتلك النظرة التى لاتحمل احترام حتى لو كانت ملاك منزل من السماء
فهى فقط يكفى انها كانت تدخل على النت لكى يصبح هذا عيب وعار على البنت وتكون اخلاقها مشكوك فيها
طيب خلونا نرجع لورا شويه قبل انتشار النت ونستعرض ايام التليفونات قبل خاصيه اظهار الطالب
التيون وسيله مهمه للاتصال ويوفر علينا السفر والتعب وممكن بتلفون نحل مشاكل كتير ونخلص مصالح كتير ونطمن على اى حد فى مكان بعيد وهو ايضا وسيله مهمه لاغنى عنها للانسان
ولكن ماذا كان يحدث
اى ولد كان ممكن يرن على اى رقم عشوائى لو وحده رت عليه يبدا فى معاكساته واحيانا كانت البنات بتعاكس اكتر من الاولاد وكان ممكن يحصل اشياء لا حصر لها وايضا علاقات وتعارف
ممكن يكون فيها كدب او صدق او مراهقه او ممارسه رزيله او مجرد فضول او اى شىء
عاوز اقول حاجه لو مفيش وسيله اتصال بين الشاب والفتاه لا تليفونات ولا انترنت
هل لن تود هناك علاقات او تعارف بين الناس ؟
سوف تخلق الناس اى وسيله للتعارف ان كانت لاتوجد
اذن الوسيله ليست هى الجريمه فى حد ذاتها لانها كما تستخدم فى الشر ينمكن ان تستخدم فى الخير
والهدف اساسا من تطويعها واكتشافها هو اكيد كان لخدمه الانسان وليس الاضرار بعقله او مبادئه
ارجع لفكرة الانترنت والتعارف من خلاله
اولا انا اختلف مع الاخت نور على رايها انه اذا كان صادق فلا يستتر وراء شاشه
كما قالت فى البدايه انها اصلا لاتقبل فكرة الارتباط به حتى لو كان صادق
هاتين الجملتين قمه التناقض ولا تعليق واترك التعليق لكم
لكن انا فى راييى الشخصى كالاتى باختصار
الانترنت شىء ليس ضار بل نافع جدا لابعد الحدود للانسان فى القرن العشرين
ويجب علينا كلنا ان نستفاد منه وان نطلع على العالم ونستفاد ونزيد معلوماتنا
بطريقه سهله ونظيفه وشبه مجانيه وان نختار منه ماينفعنا ونترك مايضرنا
ثانيا انا هتكلم عن نفسى كمثال حى لصدق كلامى واقتناعى به
انا شخصيا لو تعرفت على بنت عن طريق النت وحسيت انها انسانه كويسه واتاكدت من اخلاقها
وحدث جو من الصدق والثقه والتفاهم ساطلب ن اقابلها على الطبيعه حتى اتاكد من امطباعى عنها
ولن اتردد فى الارتباط بها وان اتقدم بطلب الارتباط بها من اهلها
ولا اجد اى عيب فى ذلك لانى قد عرفتها ووثقت بها اكتر من اى حد غيرى
ويكفى ان اكون مقتنع بها لانها هى التى ستعيش معى وليس الناس
كما ان حياتى ومصيرى وحريتى الشخصيه لا دخل لاحد بهم ولا يجوز لاحد الاختيار فيها غيرى
وهذا هو مفهوم الحريه الشخصيه ان يعرف كل منا ظروفه وحياتها ومايتناسب معها
وبالفعل ان حصل معايا الموقف دا قبل كدا واتعرفت على بنت عن طريق الاميل وبعد فترة طويله من الصداقه النظيفه قررنا ان نتقابل وتوجهت لمنزلها وتعرفت على اهلها وكانت الامور تسير طبيعيه جدا
ثانيا فى نظرى ان مش كل بنت بتدخل على النت تكون غير محترمه
ولو كان من حقالراجل يرفض الارتباط بفتاه تدخل على النت يكون من الاولى على البنت ايضا ان ترفض الشاب الذى يدخل على النت لان فى هذه الحاله يكون غير محترم وكازب
اذا كان هذا الحال بالنسبه لها ولكن ليس كل من يدخل ع النت غير محترم سواء رجل او امراء
ويجب ان يكون هناك مساواه فكريه بين عقل الرجل والمراه لان الحريه الفكريه والتعلم والثقافه وتطوير النفس ومواكبه العصر ليس مقتصرا فقط على الرجل
ايه المانع يكون فى تعارف محترم عن طريق النت ويحصل ارتباط طالما كل واحد فيهم محترم وصادق مع الاخر وطالما انهم اتفقو فى النهايه على عمل شىء حلال
بدل مايتفقو فى النهايه على عمل شىء حرام او يغضب ربنا كما يحدث بشكل مقزز فى بعض غرف الشات بشكل مباشر وصريح
مشكلتنا كمجتماعات عربيه انن نظر للحسنه على انها تخص وان السيئه تعم وانا كمان عاوز
اقول حاجه اخيرة ياريت الكل يفهمها
مفيش بنت بترتبط بشاب من تلقاء نفسهم غير بنسب بسيطه جدا
يعنى اى حد بيتقدم لوحده وارتبط بيها
دا عندنا فى المجتماعت العربيه
اى هى طرق الارتباط
اما واحد جار وهنا يكون سبب التعارف هو الجيرة او عن طريق الاهل ويكون هنا سبب التعارف القرابه
او عن طريق العمل وهنا وسيله التعارف تكون الزماله
او حتى ممكن منغير اى ترتيب او معاد وهنا تكون سبب المعرفه معاكسه فى الشارع او مجموعه مطاردات من شاب لفتاه وفى النهايه تعجب به
يبقى ليه نرفض ونستنكر ان شاب وفتاه اتعرفو بصدق واخلاص عن طريق وسيله جديده من وسائل العصر الحديث ؟؟؟؟؟ هتفرق فى ايه ؟؟؟؟
هل المشكلة فى الوسيله او فى الشخص ؟؟؟؟وهل كل المتزوجين بطرق تقليديه مبيحصلش بنهم خلافات ومشاكل واحيانا تنتهى بجرائم انسانيه ؟؟
يا اخوانا ببساطه المشكلة مشكل عقليات مش مشكلة وسيله تعارف
الزواج يبجب ان يرتكز على اشياء اهم منها التوافق والتفاهم والصدق وحسن الاخلاق وامكانات الزواج نفسه والقدرة على تحملها من دخل ثابت ومسكن يكون بيت لهذه الحياه الزوجه
وعموما لو فى كدابين كتير على النت او منحرفين يبقى دا مش زنب النت عشان نشوه صورته وهو اصلا معمول لخدمتنا وللفايده العامه لكل شخص
واعزرونى لو كنت طولت عليكم هههههههههههههههههههه[/

مرسى يا حماده على كلامك

بس فى حاجه هتتغير لو كان التعارف نت او تلفون او او

اولا بعد الجواز لو كان التعارف نت هتغير وممكن متستحملش انك تفتح الجهاز

ويسبب النت مشكله ممكن تشك انك بتتعرف على واحده تانيه

وممكن الموضوع يكبر ياريت نكونوا واقعين ونشوف ايه اللى بعد كده

لان الدول الغرب معندهمش الغيره على الزوج الو الغيره على الزوجه

تحياتى ليك يا حماده وكل من رد على الموضوع

» هل تقبل بالزواج ممن هي اكبر منك؟
» الصلاة التى لا تقبل
» الصلاة التى لا تقبل
» دعاء جميل جدا اللهم تقبل
» الشات ايام اللولو هههههههههههههههههههه