دكتور ميدو

كل ماتبحث عنه من خدمات ومعلومات ..غرائب ..فنون ..تعارف .. وظائف
 
الرئيسيةمجلة المنتدىاليوميةس .و .جبحـثالتسجيلدخول

شاطر | 
 

 حد جرب الشعور دة قبل كدة0000؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
the sad heart
«.¸¸.•°°مشرف قسم·.¸.•°®»
«.¸¸.•°°مشرف قسم·.¸.•°®»
avatar

انثى

عدد الرسائل : 585

تاريخ التسجيل : 12/11/2008


مُساهمةموضوع: حد جرب الشعور دة قبل كدة0000؟   الثلاثاء مارس 03, 2009 10:46 am



عارفين

الشعور ده

عارفين لما تفتكر حاجه كده

تحس انها بتشدك لذكريات


انت مش عارف ايه الذكريات دى

بتشدك لحاجه كده

بحاجه انت مش عارفهاا

و ممكن تدخلك فى شعور كده غريب

حزن مع الم مع فرحه

الشعور ده

!!....عارفينه



عارفين

لما تسمع اغنيه كده

تلاقى نفسك بتبتسم من غير سبب

بس جواك حزين اوووى

و تلاقى شعور بدأ يدخل جواك

انت مش فاهمه

و تحاول تفهم ايه ده

وفى الاخر متفهمش

وتنزل دمعه منك

على ايام وذكريات كانت ليها علاقه بالاغنيه دى

عارفين الشعور ده




عارفين

لما تروح تقف على البحر كده

وتاخد نفس عمييييق

بعديها تلاقى نفسك بتبتسم

بس جواك حاجه مش قادره تخرج

حاجه يمكن بتقطعك من جوه

و مش عارف تتخلص منها

عارفين الشعور ده



عارفين

لما تبقى لسه صاحى من النوم

اليوم لسه مبداش اهو

وتلاقى نفسك على السرير لسه

و غصب عنك تنزل دمعه

ممكن تفضل ساعتين تعيط على المخده

المخده اللى تعبت مننا كل يوم

كل يوم يتحس بينا

قبل ما ننام

و تقوم من على السرير

و محدش يعرف حاجه

عارفين الشعور ده



عارفين

لما تكون الساعه 2 بالليل

و البيت كله نايم

بتبقى عايز تصرخ بأعلى صوتك

كفاااااااااااااااايه ......حراااااااااااااااااااااام

كفايه بقى...ما خلاص..

حرام عليكوا اوى كده

بس كفايه ايه..مش عارف

كفايه و خلاص



عارفين

لما تكونوا اصحاب متجمعين فى يوم كده

و كلكوا مهيسين و بتضحكوا

و اللى يشوفكوا من بعيد لبعيد

يقول الناس دى رايقه

وحياتها تمام اوى

و انتوا اصلا بتضحكوا بدل ما تعيطوا

و محدش حاسس بحاجه

و محدش فاهم حاجه

لا و ايه

محدش هيقدر اصل

انه لا يفهم ولا يحس اللى جواكوا



عارفين

لما تحس انك عايز مساعده من اى حد

اى انسان

اى مخلوق

حاسس انك بتغرق

بتغرق فى ايه مش عارف

بس انت محتاج مساعده

محتاج حد ينجدك

مش عارف هتطلبها من مين

و حتى لو طلبت مساعده

هتتقوله ايه

عايزك تساعدنى و خلاص

هيرد و يقولك اساعدك فى ايه

تقوله حاسس انى بغرق

الحقنى

هيقولك بتغرق فى ايه

ما انت واقف قدامى اهو

انت محتاج مساعده

بس مساعده فى ايه انت مش عارف

و تفضل تغرق و مش لاقى مساعده



عارفين

لما تلاقى نفسك كده

عايش شعور جميل اوى

مع نفسك

انت بتحب جديد

انت عاااشق


بس اللى يضحك

مفيش حبيب

انت لوحدك

بتحب و خلاص

هو انت اااه بتحب

بس اللى بتحبه ده مش موجود

طيب هو فين مش عارف



عارفين

لما تبقى عايز تسمع صوت حد معين اووى

واحشك اوى

عايز تسمع صوته

تطمن عليه

و تفضل مستنى

و مستنى..... ومستنى

و فى الاخر ميتصلش

لا و بعدين يتصل حد تانى

تقول اخيرا اهو

و ترد بلهفة

و تسمع صوت حد تانى

مش ده اللى كنت مستنيه

يا ترى عارفين الشعور



عارفين

لما تفضل

تدى لواحد حبك وحنانك على انه واحد تانى

وتعيشه فى اجمل قصه حب وانت مش قاصده اصلا



تحياتى\\اسما
الرجوع الى أعلى الصفحة اذهب الى الأسفل
gigi
«.¸¸.•°°مشرف قسم·.¸.•°®»
«.¸¸.•°°مشرف قسم·.¸.•°®»
avatar

انثى

عدد الرسائل : 10739

تاريخ التسجيل : 13/08/2008


مُساهمةموضوع: رد: حد جرب الشعور دة قبل كدة0000؟   الخميس مارس 05, 2009 6:49 pm

شكرا ع الموضوع ساد هيرت
ودوما الي الامام
الرجوع الى أعلى الصفحة اذهب الى الأسفل
the sad heart
«.¸¸.•°°مشرف قسم·.¸.•°®»
«.¸¸.•°°مشرف قسم·.¸.•°®»
avatar

انثى

عدد الرسائل : 585

تاريخ التسجيل : 12/11/2008


مُساهمةموضوع: رد: حد جرب الشعور دة قبل كدة0000؟   الجمعة مارس 13, 2009 5:57 am

عفوا جيجى اسعدنى مرورك
الرجوع الى أعلى الصفحة اذهب الى الأسفل
 
حد جرب الشعور دة قبل كدة0000؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» معلومات عن ام الالعاب الاوليمبية 0000العاب القوى

صلاحيات هذا المنتدى:لاتستطيع الرد على المواضيع في هذا المنتدى
دكتور ميدو :: ۩ ۩ القسم العام ۩ ۩ :: ۩ ۩ مواضيع ساخنة ومثيرة ۩ ۩-
انتقل الى: