دكتور ميدو

كل ماتبحث عنه من خدمات ومعلومات ..غرائب ..فنون ..تعارف .. وظائف
 
الرئيسيةمجلة المنتدىاليوميةس .و .جبحـثالتسجيلدخول

شاطر | 
 

 موضوع روش روش آخر روشنه بجد يا مان ويا ومان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
the sad heart
«.¸¸.•°°مشرف قسم·.¸.•°®»
«.¸¸.•°°مشرف قسم·.¸.•°®»
avatar

انثى

عدد الرسائل : 585

تاريخ التسجيل : 12/11/2008


مُساهمةموضوع: موضوع روش روش آخر روشنه بجد يا مان ويا ومان   الثلاثاء مايو 26, 2009 10:41 am

هاي عليكم
طبعا انتم عاوزين تعرفوا ايه الموضوع اقولكم انا بقي

--

انا ملاحظة اليومين دول يا بناتيت ويا ولاليد ( جمع ولاد ) اصل انا بنت روشة

علي المنتديات وفي الشات

البنات والولاد بيتكلموا بطريقه بجد تنقط

يعني تلاقي واحد حاطط صور في ( قسم الصور ) لنانسي عكرم ( اصله مش بيعرف يقول جيم زينا )


ويكتب العنوان

( صور جامدة اخرررررررررررررررر حاجه لننوسه)
(صور موووووووووت لنانسي)

ايه اخر حاجه دى ويعني ايه اصلا صور موووووت

--

وتلاقي البنت في الشات بقي تقول:

انا مش ينفع - انا مش أشرب - انا مش أكل - انا مش أعرف - أنا مش يكتب - انا مش انا تش انا فش - انا مش اعمل كته ابتا ابتا -...................انا مش بتاعه الكلام ده انا كنت طول عمري جامده

--

وتلاقي الحجه الرقيقه بقي تقول ايه :

( انا مش ينفع اعمل كده انت مش تزعل بقي بيس يا مان )

وهو يرد عليها

( انا مش ازعل منك خالص ابدا يا ومان )

---

خدتوا بالكم بقي

مش ازعل مش اكتب مش انام مش اعرف مش اسمع ,,,,,, مش ممكن كده


واصلا تلاقي البنت اصلا ستايلها ميجبش كده اصلا

------

وتلاقي بقي الحروف اللي ضاربه بالهبل

طويل = تويل
كده = كته
ابدا = ابتا
خالص = خالس - ولو رقيقه اوى _ خالث
ماشي = ماسي
بجد = بكد
حلو = حووووووووووووووووو
اشرب = اشششششششششب انبوووووه

حاكه تنأت بكد يووووووووووه قصدى حاجه تنقط بجد ::

-----------------------

وتلاقي بقي الواد من دول راح السينما

يرجع يقول لصحابه :

اووووووبس رحت حته فيلم روش طحن فيلم اخر حاجه بجد فيلم يهوس هيهئ هيهئ هيهئ هيييييييييييييييييييييييييييييييييي ييييييييييييييي يييهئ

مش عارف بيضحك علي ايه بس بيضحك وخلاص

-----

نيجي بقي لكلام الولاد مع بعض

هاي يا مان

بيس يا مان

انت ليه عليا مبتردش

كب الزبون

فكك منه

اسكت بدل ما احط عليك ( سؤال بقي هو هيحط ايه ؟؟؟؟)

جبت بدى وشك ( الولاد اصل بقوا يلبسوا بديهات زى البنات )
ومش عارف ليه برضووووووو الولاد لازم يسقطوا البنطلون ولازم حاجات مشجرة كده تبان وقلوب وفراوله و دباديب روشييييين اوى جدا خالص

------

ننتقل الي ولد وبنت بيحبوا بعض

يتكلموا في التليفون :

هو : الو يا حبي
هي : حبيبي
هو : ازيك النهارده ( ليه بيقول النهارده هو يعني بيكلمها في زمن الماضي)
هي : بيس وانت
هو : سهران من امبارح مش نمت علشان اكلمك مخسوس
هي : وانا كمان مش نمتش خالس مستنيه تليفونك بجد ( وتلاقيها مخموده بقالها 8 ساعات علشان تحافظ علي بشرتها)
هو : وحشاني موت بجد
هي : وانت بجد موت اكتر حاجه
هو : امبارح شفت فيلم اوووبس يا روحي رومانسي موت كان نفسي تتفرجي معايا
هي : بجد طيب احكيلي
هو : البتل ( البطل يعني ) تول الفيلم بيبوس البتله ( البطله ) --- ( عاوز يجرجرها بقي في الكلام )
هي : بجد
هو : بجد
هي : بجد بجد
هو اه بجد
وباقي المكالمة بقي بجد وهو يقولها بجد

----------------------------------

في المنتديات العربيه بقي ملاحظة حاجه تضايق جدا:

واحد حاطط موضوع /

(( صور هيفاء وهبي لعنها الله))

طيب هو حاططها ليه

--

و (( فيلم لبنت ماتت امام البال توك نرجو عدم الدخول ))

حاطط الموضوع لييييييييييييييييييييييييييييييييييييييييييييييييي ه طالما مش عاوز حد يدخل

--

والردود بقي

( مشكور بالحييييييييييييييييييييييييييييييل )
( والله ما قصررررت )
( مشكور علي صور المفضوحه هيفاء)

---------------------

بلييييييييييييييييز ما تيجوا نتكلم عادى يعني بلاش لغة الروشنه والسهوكه اللي تغيظ دي

شكلي كده طولت عليكم اوعوا تكونوا زهقتم

ها ايه رايكم في الموتوع ده كامد اخر حاجه صح يا روشين يويويو


تحياتى
الرجوع الى أعلى الصفحة اذهب الى الأسفل
gigi
«.¸¸.•°°مشرف قسم·.¸.•°®»
«.¸¸.•°°مشرف قسم·.¸.•°®»
avatar

انثى

عدد الرسائل : 10739

تاريخ التسجيل : 13/08/2008


مُساهمةموضوع: رد: موضوع روش روش آخر روشنه بجد يا مان ويا ومان   الأربعاء مايو 27, 2009 2:48 pm


موضوع جامد اخر حاجه
هههههههههههههههههه

ميرسي علي مواضيعك المميزه دايما ياسما

تحياتي اليكي
الرجوع الى أعلى الصفحة اذهب الى الأسفل
 
موضوع روش روش آخر روشنه بجد يا مان ويا ومان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دكتور ميدو :: ۩ ۩ القسم العام ۩ ۩ :: ۩ ۩ مواضيع ساخنة ومثيرة ۩ ۩-
انتقل الى: