موضوع: سيـــــــــن و جيـــــــــــم الثلاثاء يونيو 09, 2009 11:53 am
سين وجيم
1- هل صحيح أن كتر السلام يقل المعرفة ؟ ممكن فيما عدا السلام مع اسرائيل. كتر السلام معاها يعمق المعرفة والبيزنس. 2- يقال ان 87% من الشعب المصري ساخطون علي الحكومة المصرية.. ما تعليقك؟ ال 13% الباقيين في بورتومارينا. 3- تقرير 45% من الشعب المصري مصابون بمرض السكر ما تعليقك؟ آدي اللي خدناه من "الحلواني" اللي بني مصر 4- ما أهم مظاهر الفهلوة عند المصريين؟ انهم يشكون في الشحات ولا يشكون في النصاب. 6- لماذا يطلق المصريون علي زوجاتهم لقب "الحكومة"؟ لصعوبة تغييرها مهما تسببت في كوارث. 7- أين يمكنك أن تلاحظ سوء نية المصريين؟ عندما يغنون للطفل البرئ بمنتهي الخبث قائلين.. يارب ياربنا تكبر وتبقي زينا. 8- ليه أكتر ناس بياخدوا مواقف معارضة جريئة هم الناس بتوع الغزل والنسيج؟ علشان بيشتغلوا في القطن و"القطنة مابتكدبش" زي ما قالت مدام نظيفة. 9- امتي هناكل جوافة من انتاج مزارع توشكي؟ لما نلاقي المشمش!!! 10- ما العلاقة بين عصام الحضري وسمن روابي؟ الطعم فلاحي وتحدي 11- هل لك أقارب استشهدوا في الحرب؟ لأ عندي أقارب استشهدوا في السلام... "السلام 98". 12- ايه الكلمة اللي ما بتحبش تسمعها وانت في اوضة العمليات؟ يا خسارة 13- ما الفرق بين الزوجة المصرية والزوجة اللبنانية؟ 40 كيلو جرام على الاقل 14- بماذا ستجيب كمصري عند سؤالك عن عمرك فيما افنيته بعد عمر طويل؟ افنيته في إشارة قصر النيل مستنيها تفتح وفي صلاح سالم مستنيه يتحرك وعلي كوبري اكتوبر مستني لما رئيس الوزراء يروح. 15- من المستفيد من الزحام الذي يسيطر علي شوارع القاهرة؟ * شركات المحمول كله واقف في الاشارة ماسك الموبايل بيخلص شغل أو بيعتذر عن التأخير أو بيسلي نفسه علي الأقل * وبالتالي تعتبر الإدارة العامة للمرور هي المستفيد الثاني "مخلفات استخدام المحمول اثناء القيادة". * المستفيد الثالث هي الشركة الشرقية للدخان حيث يتزايد معدل الحرق علي سبيل التنفيث. * المستفيد الرابع هو الهيئة العامة للبترول حيث يتزايد حرق البنزين علي الفاضي اثناء الوقوف وهو الأمر الذي يبرر اختفاء البنزين من المحطات وبالتالي يصبح *المستفيد الخامس هم اطباء الأمراض الصدرية. * المستفيد السادس المعلنون علي اذاعة نجوم fm وبالتالي يصبح * المستفيد السابع الشركة المصنعة للأدوية المهدئة بالتساوي مع صيدليات علي علي.