يا هاجسي هوجس تهجّس هواجيس
من فارق الأوطان..غربة..يقاسي
شوقي لأرضي فاق كل المقاييس
والأهل..والأحباب..أهلي..وناسي
وانتي حبيبة..وان فرقتك..بباريس
ما انساك ياخلّي..ولوكنت..ناسي
ماني من اللي يلبسون التلابيس
وآضح وضوح الشمس..هي والرواسي
لك حب في قلبي بلا حد..وان قيس
أبداء وقيسه..با تمّل القياسي
أسأل بذا عنتر..ومن قبله..وقيس
هم مثل لبنة..بيت..والساس..ساسي
معذور من حب العيون النواعيس
عين امها..دايم لهمّي..تواسي
حبيتكم..من دون نظرات..تأسيس
شوفك يفرّحني..وبعدك..مآسي
قلبي به الأشواق هي والأحاسيس
من فرقتك يازين..قد شاب..رآسي
قلبي يحبك..صار عقبك..مفاطيس
أرئف علي..ياقلب حبّه..وقاسي
موضوع: هواجس شاعر 