الفرق بين جوزك وباباكي

دى مجموعه فروقات بين باباكى وبين جوزك .........؟؟


مع باباكى .. دخلتى المطبخ او مادخلتيش .. كله واحد وممكن باباكى يساعدك
عادى يعنى

انما مع جوزك ....مش بمزاجك ياماما .. ها تدخلى يعنى هاتدخلى ....,,,


***************

مع بابا .. فى العيد بيديلك العيديه وفوقيها بوسه ... وكلام حلو

لكن مع الغالى .. بيقول انتى خلاص كبرتى على الحاجات دى هع هع هع

***********************

مع بابا.. بتنامى وتصحى وقت ما انتى عايزه .. ( براحتك يعنى ) ....

بس مع جوزك .. وقت ماهو عايز .. او مع مواعيد شغله. ( صباحك فل لو مصحتيش
معاه ) ..

**********************

باباكى .. كلمه حلوه ترضيه ....

وجوزك .. طول الليل تعدى تحايلى فيه .....

************************

باباكى وانتى عيانه .. سهران جنبك طول الليل ...

انما جوزك بيروح ينام فى الاوضه التانيه عشان ميتعديش ....


***********************


بابا .. لما تدلعى عليه شويه .. بيفرح بيكى على الاخر ......

انما مع جوزك .. بيقولك ..اكيد عايزه حاجه صح ؟؟؟؟؟؟؟؟؟؟؟؟؟


*******************
بابا .. لو شافك بتعيطى ها يمسح دمعتك

انما مع جوزك .. هيقولك يادى النكد على الصبح ؟؟؟؟

********************


مع بابا .. لو حاطه ماكياج فاقع شويه.. ها يقول لك الهادى عليكى احلى ..
وانت احلى من غيره خالص
لكن جوزك .. ها يقولك يتريق على شكلك ويقولك انتى كدا زى عروسة المولد


*****************

مع بابا .. لو طلبتى دوا من الصيدليه او حاجه تانيه يعنى ...... هيجرى عليه
و ينزل يجيبه ....

لكن مع الامور هايعد يسالك بكام الأول ؟؟ وتعالى قبليني لو اشترى حاجه اصلا
....


****************

بابا .. لو طلب منك كوباية ميه .. بيقولك لو سمحتى عايز ميه ؟

انما الباشا يقولك قومى يلا اجرى امشى هاتيلى ميه ....؟؟

********************


لو بتتفرجى مع بابا على التليفزيون ... ها يسيب لك الحريه تتفرجى على اللى
انتى عايزاه

لكن المحروس .. مافيش قدامك غير يا الاخبار يا الكوره .. يا ميلودى

*****************
باباكى لو نازل مشوار .. بيعمل ليكى اعتبار ويديكى خبر عادى يعنى ......

لكن جوزك .. بيستغل عدم وجودك قدامه عشان ينزل من وراكى ولو قفشتيه يقولك
انا نازل عايزه حاجه ويقفل الباب وراه بسرعه


******************


لو محتاجه فلوس فى حاله طارئه .. باباكى مش مقصر هايديكى من عينيه ....

لكن جوزك .. ها يقولك خدى من باباكى .....

******************

لو اتزحلقتى على الارض ..باباكى ها يجرى يشيلك ويهدى فيكي الوقعه .....

انما لو وقعتى ادام جوزك هايقعد يضحك عليكي ويقولك البطيخه وقعت اهى
ههههههه ....

*********************
باباكى لو لاحظ انك متخانقه مع اختك .. ها يصالحكوا على بعض

لكن جوزك هيقولك انتى اللى وداكى عندهااا لازم تناكشى فيها كدا ....(
وتطلعى الغلطانه ياعيني ) ....

*********************
مهما باباكى كان متضايق .. لا يمكن تكلميه وتلاقيه مكشر لحد لما يروق ....
لكن جوزك.. لو متضايق .. مصر كلها هتنكد عليكي استحملى بقى