هل يوجد حب حقيقي عبر الإنترنت ؟؟؟

هل يوجد حب حقيقي عبر الإنترنت ؟؟؟


السلام عليكم ورحمة الله وبركاته
.
إخوني الكرام .. هناك أمرٌ شغلني وأود أن اطرحه عليكم.

بعضٌ منا قد وجد الحب عن طريق الإنتر نت . وهذا واقع

فهل ترون ان هذا الحب كامل وصـــادق أم هي عــلاقه

عابره ستنتهي عن قريب ؟؟؟ إذا كانت الاجاب’ بنعــم

فأرجو أن تعطوني الاسباب ... وإذا كانت الإجـــابه بـ لا

فأرجو طرح الأسباب .. وانا سابدأ بنفسي وسأعطيكم

رأيي : رأيي أن الحب هو الحب . سواءاً كان عن طريق

الإنتر نت أو غيره فالحب إحساس وإذا وجد الإحساس

وجد الحب وإن تعددت طرقه . ولكني اري ايضا انه لكي يكتمل هذا الحب ويكون صادق وينتهي نهايته الطبيعيه وهيا الزواج لابد من توافر شروط اساسيه في هذه العلاقه منها الصراحه المتبادله بين الطرفين والصدق لانه لو لم تتوافر الصراحه فان الطرف الصريح الصادق هو اللي هيكون الضحيه والمخدوع في هذه العلاقه وشرط اساسي اخر هو ان يكون هذا الحب بمعرفة الاهل وتحت رعايتهم بمعني ان كل طرف من الاتنين يصارح اهله ويعرفهم من البدايه شئ اخر كمان ممكن اضيفه وهو انه من الافضل ان الاتنيين يكونو من نفس البلد كمان حتي يكون من السهل عليهم الارتباط وتكون نهاية حبهم سعيده ولاتنتهي بالالم والفراق . هذا هو رأيي المتواضع .

مع إحترامى الكامل لوجهات النظر المختلفه والمغايره.

تقبلوا تحياتي العطره
نرجو منكم المشاركه وافادتنا بارائكم

حمد لله على السلامه ورده المنتدى
مرسى على موضوعك بجد جميل
وانا معاكى ان الحب احساس
واهم حاجه الصدق فى العلاقه
بس للاسف ناس كتير جدا كزابين على النت
تحيات ليكى
غاده

ههههههههههه
حلو الموضوع دا وحلو التعليق
بس انا رايى ان الكدب موجود فى كل مكان بين الناس مش على النت بس
لكن هو فعلا اكتر على النت لان الشخص بيعتبره ثقب من ورا حجاب بينظر منه للناس بعيدا عن الواقع
ومش بيكون متوقع ان الواقع دا ممكن يتجسد قدامه فبيعيش نوع من الخيال ويحاول يحقق فيه اللى مش بيقدر يحققه فى الواقع
وانا راييى ان البنت ممكن تكشف الولد الصادق من الكازب من اول لقاء بينعم او تعارف علىالنت
وحتى البنت كمان
لان كلو بيبان على حقيقته من اول مرة وبيتصرف بتلقائيه
حتى لو فيه جوانب كويسه فى اول لقاء دا بيحاول يطلع الجانب التانى الاول لو لقى استجابه بيكمل فيه
اما الانسان الفاضل صحاب المبدا وصاحب الطبع الاصيل فهو ثابت فى داخله وداخله مثل خارجه الظاهر مثل الباطن وهذا ينطبق عليه من اول مرة حتى لو كان مختفى او غامض خلف شاشه الكومبيوتر عبر كابل النت

تحياتى اليكم

الله يسلمك يانور
وشكرا ليكي بجدعلي اهتمامك دا وسؤالك كمان
بجد اسعدني مرورك وتعليقك كمان
تحياتي: جيجي

شكرا ليك ياحماده علي مرورك والتعليق كمان
بس انا كنت منتظره منك تعليق وتفاصيل اكتر من كدا
ويهمني اعرف رايك الشخصي في الموضوع دا بالذات بمزيد من التفصيل
لانه موضوع مهم لكتير من الناس والشباب الايام دي وبيحصل كتير
وكمان عايزه اعلق علي حاجه برضو في كلامك يادكتر
مش كل الناس بيبقي عندها احساس عالي او حتي مجرد القدره علي
تقيم الشخصيه اللي قدامها ومش كل الناس بتقدر تحس وتعمل كدا فعلا
عشان كدا من السهل انهم ينخدعو ويبقو ضحيه وهما مش عارفين كدا
شكرا مره تانيه علي مرورك ومنتظره ردك

اة فيه حب حقيقي علي النت بس بنسبه2%او6%وفيه مواضيع كتير من النسبه دى بتنجح وبيعشوا اجمل قصه حب وفيه مواضيع زى اى موضوع بيبقي قسمه ونصيب المشكله الوحيدة انك هتقول لاهلك انا رايح اخطب واحدة من علي النت او هتجوز واحد عرفته من النت فيه ناس كتير بيفهموا الموضوع غلط ودى مجرد وجه نظر

اولا اهلا بيكى على انضمامك لينا يا موشا وبجد نورتى المنتدى
وكل الاعضاء بيرحبو بالعضوة الجديده معانا
ثانيا ميرسى جدا على ردك وانا معاكى فى الراى دا
نرجو مزيدا من الردود والمواضيع

اهلا بيكي ياموشا معانا
ونورتي المنتدي
شكرا علي التعليق دا وانا معاكي في الراي دا
بس في تعليق بسيط بس
ممكن مايعرفوش اهلهم ان الموضوع جاي عن طريق النت يعني
ممكن يقولو اي حاجه تانيه عشان في حاجات مبنفعش تتقال ذي ماهيا كدا
وكمان عشان الانسان لازم يتصرف علي حسب طبيعة العقليات والتقاليد اللي قدامه
وعلي حسب طبيعة الموقف كمان. لو كانو متمسكين ببعض اوي وفعلا بيحبو بعض ممكن
يتخطو العقبه دي وميقولوش خالص انهم اتعرفو من النت دا
ميرسي ليكي تاني ع التعليق ونورتي المنتدي