هل تتبع نظام ( طز _ طنش _ متدقش _ محدش شاريك)

عارفين اغنيه كلام الناس لا يجيب ولا يودي








المشكله دى غريبه غريبه اوى وللأسف بتحكم المجتمع بالفرد يعنى الأنسان لازم يحسب لمجتمعه ( كلام الناس) ألف حساب والا






مثلا يخرج شاب لابس كت وبونتكور تلاقي الناس مش عاجبها وتقولك (مفتكر نفسه في أمريكا) لو لابس نضاره تلاقي الناس تقولك ( متكبر وشايف نفسه شويتين) ولو كنت مش واخد بالك من لبسك تلاقي واحد يقولك (مسمعتش ده عن جينز)





بالنسبه للأكل لو واحد كان ماشي في الشارع وبياكل شيبسى أو ترمس أو أيس كريم تلاقي الناس تقول ( مش مكسوف على طوله شوف بياكل ايه وهو مشاى فى الشارع)






لو وأنتا ماشي هزرت مع ولد صغير ولا كوره مرت من قدامك وشوطها تبقى في نظر الناس (عيل وبتلعب مع عيال قد رجلك)





لو كنت في محل ولا مكتب أو أي مكان فيه التعامل مع البشر ودخل واحد ولاقاك بتتكلم مع واحده في موضوع يخص المحل بطريقه ذوق ومهذبه (يقول ده بيرسم على البنت ) ولو كلمتها ناشف (يبئا انت قليل الذوق وجلمف)



لو خرجت منك كلمه أنجليزي تبقى بتتفلسف وعامل نفسك بورم

والكتير الكتير من هذه الأمتله

بكده لازم نرفع شعارنا ونستخدم الكلمات دى


( طز _ طنش _ متدقش _ محدش شاريك)


هل أنت مع أهمال رأي المجتمع فى حدود الالتزام والأدب والاحترام ( كلام الناس) أم الأهتمام به والألتزام به ولو وداك فى ستين داهيه .


انا عن نفسي طول مانا شايف نفسى صح مش بيهمنى كلام الناس لأنه بصراحه لا بيجيب ولا بيودى









مش عارف انتو ممكن رائيكم يكون زى رائى ؟؟؟؟

بتتأثروا بكلام الناس لدرجة تخرب البيوت او تغيير مجرى حياتكم ؟؟؟

بتواجهوا كلام الناس ازاى ؟؟؟

كل اليعجبك والبس اليعجب الناس ههههههههههه ؟؟؟؟؟؟؟؟

ياترى كلام الناس ليه تأثير على مجريات حياتك ؟؟؟؟؟

فى الاخر عايز اقول كلام الناس لا بيجيب ولا يودى لأن الناس مش بيعجبها العجب ولازم تنتقض (هيه دى طبيعة البشر)



(ياعم خليك فى حالك واللي بيته من ازاز ما يحدفش الناس بالطوب)