استراحه ع الصحراوي ,الجو نار للشاعر على سلامه

استراحه ع الصحراوي
الجو نار
سايق ومحدش معايا
غيري انا والذكريات
وحبه حاجات
ازازه الميه
ونظره عينيا
اللي شايفها في المرايا
بتبص لي من وقت للتاني بغباء
كانها عارفه الحكايه
او واخده بالها من الطريق
مر السفر من غير صديق
اول شمال احود ولف
الغنوه سكتت
والشريط عمال يسف
وازاي تخف
ياالم من غير جراحه
ادي استراحه
دماغي محتاجه الصراحه
وقلبي محتاج الحنان
ازكن هنا
اشرب ياعم قهوتك
ويالاا علشان
نلحق مكان قبل الغروب
واوعي الردار يسحب
ف لحظه غنوتك
معش فاضل في الطريق
ولا استراحه__

» احب العسل للشاعر على سلامه
» هى بايظة بايظه .................!!! للشاعر على سلامه
» لب وسوداني , علي سلامه
» قصيدة حب (للشاعر نزار قباني)
» حقائب البكاء للشاعر نزار قباني