قالولي الناس معادن انا قولت اه ده صحيح
الغالي زمنه ولي والباقي كله صفيح
وياريته صفيح متين كان ينفع للزمن
ما تشوف يا ابويا الصدي راسم عليه العفن
مش شايف في الوشوش نظرة تسر البدن
الناس اجسام بتمشي و الروح قالولي اندفن
ماتت من غير عزا ماتت من غير كفن
راح الضمير قتلوه من غير ما يبكوا عليه
طول عمر الغالي غالي وان رخص بيبقي ليه؟
رخص علشان خلاص ثمن الاخلاق مفيش مايجبش حتي عيش ده العيش عايز بقشيش
وانا هاكل عيش حاف؟ لازم غموس ولحاف
انا نفسي بس اعيش مش لازم الاسراف
هتعيش كانك ميت البسلك طرحة و صوت
تصدق؟عندك حق ثمن الضمير ده بكام؟
اهو يسوي زى ما يسوي ملعون ابو الايام
مش اول حاجة ابيعها ما انا بايع الاحلام
سايب ورايا حاجات مش شايف حاجة قدام
انا قولت اتمشي شوية وشوف قابلت مين ؟
قابلت ابويا يا لهوى ما زرته من سنتين
دورت وشي ناداني حضني وسالني رايح فين
ما لقيتش عندي كلام وكسوفي منه فضحني
قال يا بني عارف همك و بست ايده سامحني
رفعت راسي يدوب زعيق صراخ سمعت
اتاري البت لبني اتنين ماشيين وراها
ابويا قاللي اتحرك وروح اقف معاها
قولتله واحنا مالنا ده انا منها علقة اكلت
دي بت ناشفة واقفة وانا قبليهم حاولت
بصلي ابويا بصة نزلت علي جسمي رعد
سابني و في قلبه حسرة حسيت بيها بجد
كملت المشي تاني و في ثانية لأ ثواني
لقيت عربية داخلة والدخلة امريكاني
لقيت تحيتها نفسي ايدي تحت عجلة ورجلي قدام عيوني
دهست عليا جريت والناس باموت شافوني
صرخت بصوت ضعيف الحقوني الحقوني
والناس معادن صح هههههههههههههه
موضوع: الناس معادن 
