علشان خاطر بهانة...
كلمة وهاقولها أمانة..
علشان خاطر بهانة..
الست دية جاية..
من الريف شايلة الصينية..
لاجل تربي عيالها..
الولد والصبية..
جايبة قشدة وزبدة..
ولبن وجبنة حادقة..
حاجة نظيفة وصابحة..
وفيها تجارة رابحة..
ندي ظهورنا لبهانة..
بنت بلدنا الشقيانة..
ونشجع الخواجات؟!..
ليه احنا خيرنا لبرة؟!..
نيدو وأنكور ونسلة!..
والجبن الموتزاريلا!..
ولورباك والبقرات!..
وجيب من بره وهات!..
وسن توب ونسكويك!..
وكولا وحتى العصير!..
نجيب من برة ماية..
واحنا حالنا عسير!..
يا با ده حتى الفشار!..
بيتاجروا فيه ونار!..
ونقول غلاء أسعار؟!..
جلاكسي وكادبوري وشيبسي!..
وتشيكلتس وهاينز وبيبسي!..
ما هي برضه حاجات مضرة..
بتجيب سرطان وسكر..
ومرض وهلما جره..
كل الماية الغازية..
فيها يا ما أذية..
وأي مواد حافظة..
يعني قديمة وبايظة..
لية آكل من عنديهم؟!..
وأما أعيا أجري عليهم؟!..
حتى الدواء مستورد!..
واللبس والصابون!..
ومافيش شغل في أيدينا..
ليه نتحمل ديون؟!..
لازم أقرا على المنتج..
مين اللي صنعه لازم..
وغير منتج بلادنا..
ما أجيبه وما هو لازم..
أنا اصلي آخر نباهة..
بلدي وعترة ونزاهة..
أنا أصلي آخر نباهة..
بلدي..
وعترة..
ونزاهة..
موضوع: علشان خاطر بهانة 