هذا الاتصال جرى بين الكابتن سمير زاهر والكابتن حسن شحاته بعد مباراة الكونغو مباشرة واستطاعت مصادرنا السريه الحصول على تفاصيله لنعرضه عليكم حصريا وقبل اى حد تااااانى .....يله معانا بسم الله الرحمن الرحيم........
* * * * * * * *
- سمير زاهر.........الو..ازيك يا ابو على والف مبروك الفوز وحمد الله على سلامه رقبتك يا حبيبى..!!!
- حسن شحاته........الله يخليك يا كابتن سمير..والله الواحد كان خايف مووت قبل الماتش احسن تطير لو لا قدر الله
...... اتغلبنا ولا حاجه بس الحمد لله ربنا سترها معانا ,,والولاد طلعوا رجاله
- سمير زاهر......متخفش يا ابو على طول ما انا ع الكرسى اطمن وحط فى بطنك بطيخه صيفى....
محدش هيعرف يقطع رقبتك غيرى..!!!!!
- حسن شحاته.............مهو ده العشم بردوا يا ابو الكباتن ..ومتنساش انت كمان ان الانتخابات قربت
ولوكنت اتغلبت وخرجنا من سنه اولى تصفيات ...........
كانوا بدل ما قعدوك على كرسى الاتحاد ..كانوا ضربوك بيه..!!!!!
- سمير زاهر.............ههههههههههههههههههههههههه
احنا فى مركب واحد يا معلم وان شاء الله نكمل للنهايه مع بعض ..
يا نوصل جنوب افريقيا وتتبشبش الحكايه وتبقا عنب ...
يا ترجع انت لفرق الدرجه التانيه الى كنت ماسكها قبل ما تمسك المنتخب....
وارجع انا اقعد مع ام العيال شويه احسن وحشتنى اوى والله .....
و بقالى بتاع اربع سنين مشفتهاش..!!!!
- حسن شحاته.............ان شاء الله يا ابو سمرة على جنوب افريقيا....بس ربنا يستر ومجموعتنا تبقا متظبطه
وربنا يبعد عنا ايتو واخواته ..ودروجبا واخواته ...
وكانو واخواته ....واجوجو واخواته ....واوعدك اننا هنصيف ان شاء الله فى جنوب افريقيا.....
- سمير زاهر......... من بوئك لباب السما يا معلم...
- حسن شحاته..............يا رب يا كابتن سمير عاوزين نفرح الناس شويه...
وكمان بينى وبينك الواحد مزنوق اليومين دول وعاوز شويه فلوس ..
مش هيعرف يجيبهم غير لو وصلنا كاس العالم........اهو استقبال من سياده الريس ومعاه ظرف محشى
...وتكريم من كام دوله خليجيه من حبايبنا هناك نلم فيه كام ساعه ..على شويه هدايا من بتوع غانا
...ومنها كمان نرقص العيال شويه ونفرحهم ..اهو يبقا تكريم ورقص وفك عضلات..
بينى وبينك الواد الحضرى مش عاجبنى من يوم ما راح سويسرا....نشف كدا وبقا عامل زى الخشبه
من قله الرقص فوق العارضه...اصل بعيد عنك سيون ده مبيكسبش غير فى الاعياد بس ..
وطول السنه شايل الطين.....
- سمير زاهر......................................................
- حسن شحاته.................والله يا ابو سمرة الواحد خايف من اليومين الجايين ومش عارف شايلين له ايه....
- سمير زاهر..................................................
- حسن شحاته ..........وهمتك معانا كمان يا ابو البيزنس كله عاوزين كام ماتش تكريم زى بتاع السودان كدا ....اهو نضم فيه شويه لاعيبه من بتوع ...ماما زمانها جايه...ونشيل فيهم كام جون ..من بتوع اسم النبى حارسه عبد المنصف...والعايق فتح الله..ونشيللهم الليله ..ونرجع بكام عربيه على كام باكو.....بينى وبينك يا ابو الكباتن الواد ابن كريم ابنى طالب منى بتاع اسمه بيتش بجى وممعييش اجيبه له ..,انا وعدته انى اجيبهوله فى عيد ميلادة الجاى....بس انت قول يا رب......
- سمير زاهر.......................................
- حسن شحاته.......الو...الو..كابتن سمير انت نمت ولا ايه يا حبيبى..؟؟؟؟؟؟؟؟؟؟؟؟؟
- سمير زاهر..........آة ....آة....معلش يا ابو على اصلك طولت شويه فى الكلام ..فعنيا غفلت شويه سامحنى يا كينج....انا معاك اهوة بتقول ايه......
- حسن شحاته...............بقولك عاوزينك معانا الفترة الجايه يا باشا...
- سمير زاهر.................عنيا يا ابو على انت تأأمر....
- حسن شحاته..................اهو عاوزينك توقف الدورى قد 20 يوم قبل ماتش جيبوتى المهم علشان نعمل معسكر مغلق للعيال ..عاوزين العيال يطيحوا فى جيبوتى ويعدموها العافيه...اهوة علشان الناس تفرح وينسوا الاربعه بتوع ام درمان خاااااالص...
- سمير زاهر................جيبوتى ايه يا ابو على ..ماتش جيبوتى ده ملوش لازمه اصلا انت ناسى ولا ايه....
مش الاتحاد الافريقى لغى نتائج الفرق الاخيرة فى كل مجموعه...
يعنى مباراة سكسونيا خالص مش محتاجه معسكرات ولا حاجه..!!!!!
- حسن شحاته..............والله......تصدق محدش قالى....شوقى غريب ده بقاله فترة
مش شايف شغله خاااالص....
ده انا كنت عامل حسابى اجيب الولاد بتوعنا من برة .....
انا كدا هغير كل الى فى دماغى خالص...
- سمير زاهر................انا عندى فكرة حلوة اوى يا حسن ...ايه رأيك تسمع..؟؟؟؟؟؟؟؟؟؟
- حسن شحاته................يا سلام يا ابو الكباتن كلها....ده انا اقطع لك ودنى وابعتها لك
تقولها الى انت عاوزة...!!!!!
- سمير زاهر..........بص يا سيدى...الناس واجعه دماغى من زمان عاوزينك تضم بركات وحمزة وزيدان ومعوض وشويه مشارح تانيه...يعنى شويه اللاعيبه دول الى انت حالقلهم من زمااااااان ومن غير سبب...ايه رأيك لو تضم العيال دول فى ماتش جيبوتى ..اهو نسكت الناس شويه..ومنها كمان نريح العيال الاساسيه بتوعنا احسن يهنجوا فى نص السكه تبقا مصيبه......
- حسن شحاته..............انت شايف كدا يا ابو سمرة...؟؟؟؟؟؟؟؟؟
- سمير زاهر................اسمع كلامى بس يا شحاته وانا هخليك ولا الجوهرى فى زمانه....اهو نسكت الناس الى لسانها دلدل علينا....ونكتم الاخ بتاع هنا القاهرة الى واخدنا فحت وردم ده......
- حسن شحاته...............خلاص الى تشوفه يا ريس انا تحت امرك..بس انا ليا طلب صغير عندك.....؟؟؟؟
عاوزك تعمل لى شويه من الشغل بتاعك بتاع كلنا فداء مصر وكلنا مع المصلحه....
وتعلن للصحافه والاعلام ان الولاد هيعتذروا وان شحاته بقلبه الكبير وافق وسامح ولاده الى مربيهم
ومفيش اى مشاكل خلاص.....وبقينا سمن على عسل....ويلعبوا ماتش جيبوتى
ويبقوا يقابلونى لو شموا فانله المنتخب تانى ..!!!!!
- سمير زاهر.................خلاص يا معلم سيب الموضوع ده عليا ...
انا هكلم لك شوبير يعلن انه هيدخل ويعمل صلح بين اللاعيبه وابوهم
والولاد يطلعوا يعتذروا ليك فى برنامجه وعفا الله عما سلف..وابقا سلملى على الدكتور......
- حسن شحاته ..............ربنا ما يحرمنا منك ومن دماغك المتكلفه دى يا ريس....
ويخليك لينا وللكورة المصريه يا رب....
تصدق بالله انا ما بفرح لما بكسب غير علشانك ....
ربنا يخلي لك الكرسى والمكتب بتوع الجبلايه يا رب وما يحرمهم منك ابدا...
- سمير زاهر..........الله يخليك يا ابو على..هنعمل ايه اهوة كله علشان مصر....
- حسن شحاته...............تمام يا ابو الكباتن.
- سمير زاهر.......طيب يا حسن انا هسيبك بقا علشان رصيدى هيخلص
ولسه كمان عندى النهارده شويه لقاءات فى قنوات..
الحياة .....ومودرن سبورت........ودريم......والمحور .........والقاهرة اليوم.....والحكمه .........والرحمه ..........وسبيس توون...
ومش عاوز ازود ظهورى فى القنوات بقا علشان الناس متزهقش منى.....
حاجه بقت تقرف والله يا ابو على......
- شحاته .............ربنا يقويك يا كابتن انا بردوا بقول كدا بلاش تظهر فى قنوات كتير علشان يبقا ليك شووووئه
...كفايه الكام قناة دول بس..,ربنا يبارك فى القليل...,متنساش تظبطنى على الهواااا.......
سلام يا ابو الكباتن..............
وخلى بالك على الكر.......................قصدى على نفسك...!!!!!!
- سمير زاهر...............متقلقش يا ابو على دايما مظبطك والله..شد حيلك انت بس..متنساش تسلملى ع الواد كريم وخليه يتصل بيا فى برنامجه الجديد وانا هظبطه بكام خبر حصرى من بتوع الفرقعه ...يله سلام واشوفك بكرة فى الجبلايه.....
موضوع: حصريا لمنتديات دكتور حماده عثمان تفاصيل مكالمة زاهر وشحاته بعد مبارة الكونغو (( بوووووووووووووووووم )) 
