الظابط .. وكيل النيابة.. القاضى .. المحامى ( أحزان وأمال )
هذا عرض بسيط لتلك المهن الغائب اسلوب عملها أو الغير معروف بالنسبة للكثير من الناس
نبدأ اولا بالضابط أما أن يلتحق عن طريق معهد إمناء الشرطة أو عن طريق كلية الشرطة وكلاهما
اولا يلجأ للواسطة هذا أولا لابد انك
يكون موجود معاك واسطة علشان تدخل تشتغل أمين شرطة أو ظابط شرطة وممكن تدخل
وتشتغل امين شرطة وتلتحق بعدها بكلية
الحقوق ويكون ظابط شرطة إنما ظابط
الشرطة أثناء دراسته فى كلية الشرطة بياخد شىء اسمه دبلومة شرطة لذلك
يستطيع أن يعمل بالمحاماه بعد إعتزاله مهنه الشرطة لأى
سبب ( وعلى فكرة فى رأى من المحامين
ينادى حاليا بمنعهم من الالتحاق بنقابه المحامين) فإن كان من متقدمى معهد
أمناء الشرطة فهو من حمله الشهاده الاعدادية أما إن
كان من الضباط فيكون من حمله الثانوية العامة أو ما يعادلها
ثانيا وكيل النيابة
هو من حملة ليسانس الحقوق والمفروض أن يكون من المتفوقين فى الكلية حتى يستطيع الالتحاق بالنيابة العامة
فمن ضمن الشروط الواجب توافرها فى وكيل النيابة
توافر السمعة والمحمودة والسيرة الحسنة عليه تحريات من الشرطة وأمن الدولة (والاتنين بالواسطة والفلوس )
انه يكون من زوى الاملاك أهله عندهم املاك ( علشان يضمنوا انه ما ياخدش رشوة )( أل ايه ولاد الغلابه المتفوقين حرميه )
ويجتاز الكشوفات الطبية ويبدأ العمل
بوظيفة معاون نيابه ثم مساعد نيابه ثم وكيل نيابه ثم وكيل نيابة من الفئة
الممتازة ثم مدير نيابة ( وهو أقدم عضو فى النيابة الجزئية )
ثم رئيس نيابة ثم المحامى العام ثم المحامى العام الأول ثم النائب العام المساعد ثم النائب العام
ثالثا القاضى
يكون إختيار القاضى عند درجة معينه فى
الترقيات فى النيابة إما أن يأخذ سلك القضاء أو أن يكمل فى سلك النيابة
وبصراحه مش فاكر الضابط للطريقين
رابعا المحامى
شرطة أن يكون حامل ليسانس الحقوق من إحدى الجامعات المصرية أو ما يعادلها من الشهادات
يعني ايه او ما
يعادلها من الشهادات هي اما الحقوق او الشريعه والقانون .. ( بصرف النظر عن
انه كان ضابط سابق او وكيل نيابه والتحقا بالمحاماه )
وان يجتاز الكشف الطبى
ثانيا أداء العمل
أولا الظابط
الوظيفة الأساسية : هى حماية المواطنين
وتنفيذ أوامر السلطة القضائية وملاحقة المجرميين والقبض عليهم طبقا للقانون
وبالطرق القانونية
الواقع : أصبحت الشرطة هى جلاد المجتمع
(إلا من رحم ربى ) أخر بيان خرج من وزارة الداخلية إن 80% من ظباط الشرطة
مرتشون ( إن كان رب البيت بالدف
ضارب فشيمت أهل البيت .............) فبصم للعسكرى الغلبان وأمين الشرطة أبو 500 جنية (شوفوا ضعف الراتب)
اعتقد ان المبلغ اكبر من كده بكتير ...
تعالوا نشوف إزاى بيعمل الظابط القضية
مفيش حاجه اسمها بيعمل القضيه ( ولا قصدك يلفق قضيه ؟)
هنشوف المفروض طبقا للقانون وماذا يحدث واقعا :
القانونى :
بعد أجراء ظابط الشرطة لتحرياته السرية
مع مصادرة السرية ( فكرونى بمصاردة دى علشان هتكلم عنها ) والتأكد من أن
الشخص المجرى عنه التحريات يقوم بفعل مخالف
للقانون يقوم بتسطير محضر تحريات بما
توصل إليه من معلومات ويستصدر إذن من النيابة العامة قبل استصدار الاذن
يقوم وكيل النيابة بإستجواب الظابط فى محضر
رسمى ليتأكد من تحرياته السرية قبل أن
يعطية الاذن بالقبض والتفتيش ومن ثم حين تأكد السيد وكيل النيابة من المحضر
وجديته يقوم بإعطاء الظابط الاذن بضبط وتفتيش
شخص المأذون بضبطة وتفتيشه وتحرير محضر تحريات بالواقعة وتقديمة للجهات المسؤله ( النيابة العامة ) لاتخاذ شئونها
كما يصح ايضا ان يقوم
الضابط بعمليه القبض او التفتيش قبل تحقيق النيابه معه وبحث اسبا ب الاذن
في حالتي الضرورة والاستعجال ..كما يجوز ان يكون القبض علي المتهم بواسطه
اذن شفوي ( بالتليفون او مايشابهه) بشرط ان يكون الاذن صادر مسبقا من وكيل
النيابه ..
الواقع البيه الظابط بيسطر محضر تحريات مكتوب فيه ايه ( دا نموذج محضر تحريات من قضية حقيقية )
وردت إلينا معلومة من أحد مصادرنا
السرية الموثوق فيها والسابق التعامل معها فى العديد من القضايا أن فلان
يحوز ويحرز المواد المخدرة ويتخذ من شخصة ومسكنة
مكانا لاخفائها
نقطة صغيرة مين هو المصدر السرى : هو
تاجر مخدرات بيبع مخدرات لصالح البية الظابط وطول ما هو شغال يعمل له قضاية
ويقوله فلان بيشرب أو بيشترى أو فلان
عاوزين نعمله قضية ويفضل شغال معاه لحد ما يكبر أو يجبله قضايا وساعه ما ريحته تفوح يبقى قضية حلوة ويدخل السجن
_يجوز للضابط ان يتعاون معه مرشدين ومخبرين
_كما يجوز ان يتخفي
وويتنكر في زي تاجر مخدرات مثلا للوصول الي المجرم بشرط عدم مخالفه القانون
فلا يجوز له التحريض علي الجريمه او مساعده مجرم او اخفاؤه عن العداله او
تلفيق التهم ..
نرجع مرجوعنا الظابط أخد محضر التحريات
وراح النيابة وكيل النيابة يكتب بعد مطالعه محضر التحريات المسطر بمعرفة
الظابط فلان وحيث أن ماجاء به يشكل جريمة
لذلك نأمر بضط شخص وتفتيش مسكن .......... وبيكمل باقى البيانات
نعم .. ولكن علي وكيل
النيابه ان يقوم بالتحقيق الفوري مع الضابط في جميع ما اتخذه من اجراءات
القبض او التفتيش ..وهل هي صحيحه ام لا ...
دا دليل الإتهام لا فى محضر تحقيق للتأكد من ان دا متهم فعلا ولا لاء ولا اى حاجة إذن ينتهك حريات الناس
البية الظابط بيعمل ايه عندنا حالتين :
أولا لو الواد عنده فى مكتبة بيكون مسطر
بيانات المتهم من بطاقته الشخصية أو من المعلومات الل بياخدها منه ودى
غلطة أو زى ما بتسموها ثغرة بس دا حكم قانون
المفروض أنه عارفه وعمل تحريات علشان
يعرفه كويس والواد مفيش معاه مخدرات أو كمية قليله بيكون البيه الظابط عنده
المخدرات( بيجبها منين الكميات الكبيرة دى )
سؤال وجيه بعد كل قضية مخدرات كبيرة
وبيتم التحفظ على كمية كبيرة من المخدرات المفروض ان المخدرات دى بيتم
إعدامها كامله إلا ان البيه بيعمل محضر إعدام
للمخدرات وبيسبها عنده وبيعمل المحضر وتفضل عنده كميات كبيرة يقدر يعمل بيها كل القضايا الل هو عاوزها
المهم يحط له كمية كبيرة علشان تبقى
قضية كبيرة ويودية النيابه ويحاول يلبسة هدوم نضيفة ومظبوطه وشكلها حلو
علشان مفيش تاجر مخدرات مبهدل فى نفسه يعنى لابس
شبشب أو هدوم بايظة أو الكلام دة كلة
لازم يكون هدومة ولبسة حلوين ودا أحيانا بيكون دليل براءة ولازم يحط له
فلوس بس الل بيحيرنى فى موضوع الفلوس دا انه بيحط
40 أو 50 أو 100 جنية مع كمية 5 أو 4
كيلو مخدرات ويقول دا حصيلة بيع فى يا جماعة تاجر مخدرات الان حصيلة بيعه
فى اليوم المبلغ دة ودا أيضا سبب براءة لان
مفيش عقل يقبل الكلاد دة وأحسن شىء
بيعجبنى القصص البوليصية الل بيعملوها إزاى يقولك أحضرنا عربيه ميكروباص
مستأجرة وانتقلنا وبصحبة قوة من الشرطة السرية
احنا اتفقنا علي انه له الحق في التخفي والتنكر .. كما انه لا يجبر علي الكشف اسماء مصادرة السريه الا عند الضرورة
وتانى يوم بيتسأل بيقولك مش فاكرهم
لكثرة المأموريات إزاى مش فاهم المهم وراقبنا المتهم وكان يقف يدة اليمنى
فى اتجاة قدومنا ويحمل بها شيكارة بيضاء اللون تظهر ما
بداخلها لفافه اسطوانية بها فتحه اختبار
تظهر ما بداخلها لنبات عشبى جاف يشبة نبات البانجو المخدر أموت وأعرف
شافها إزاى الشكارة مش شفافه دا اول شىء دايما الواد
شايل الشيكارة فى الايد الل هما جايين من ناحيتها غير كدة شاف اللى جواها ازاى وعرف من مسافه انه بانجو مع ان الظبط كتير بيتم بالليل
معاك حق هنا تماما
... فيجب علي الضابط عند القيام بحاله تلبس لمجرم ان يتبع شورط التلبس
ومنها ان يري بنفسه لا بواسطه غيرة الشئ محل الجرم ...
لا وأحيانا يقولك إن كان معاه
عميل بس العميل هرب حال الانقضاض عليهم
وإحنا كنا محصرينهم من جميع الجهات طب إزاى يهرب منك يا بيه ومن القوة
يقولك أصل أنا انفردت بالضبط طب انت
واخد القوة معاك ليه أصل يا جماعة هو لو
جاب اسم حد من القوة إحنا هنجيبة ونناقشة وبالتالى هيكون هو لا ضبط ولا
عمل حاجة فبالتالى يبقى القضية باظت إنما هو
طبعا لا مش باضت ولا
حاجه فهو حر في عدم كشف مصادرة السريه ولا يجبر .. وهو استعان بالقوة لانه
في حاله قبض علي مجرم ..هناك فرق كما تعلم بين الضبط والاحضار وبين القبض
والتلبس ..
عارف الفيلم الاكشن كويس فبيقدر يقول هو الكلام اللى هو عاوزة بس بردك بيجى وربنا بيظهر الحق وبيطلع المتهم براءة
واحيانا يكون الضابط
صح تماما فيما قاله ولكن بما انكم ( المحامين ) واخدين صورة غلط عنهم .(
طبعا مش كلهم حلوين ولا كلهم وحشين )فمش هاتصدق الا موكلك طبعا ...
إنما لما تكون فى قضية فعلا فدى بيطون
فيها حكم والمتهم هياخد حكم بس لان الظابط لا يدرى شىء عن القانون فبالتالى
لا يتبع اى إجراء صحيح فى القبض على المتهم أو
ضبطة وإحضارة فبذلك القضية بتبوظ
علي العكس الضابط
يدرس المواد القانونيه ( كالحقوق ) ولكن ممكن يفبرك عشان يقفل محاضر ..
عشان يمنع فلان من المحاكمه فيدخل مكانه شاب عادي ..كده يعني
مثال ( فى محافظة الشرقية تم ضبط تريله محملة بأطنان من البانجو وطلع المتهم براءة لان حال انتقال قوة من الداخلية من محافظة
لمحافظة أخرى لابد ان يستصدر الاذن من
النائب العام بصفته ولكن استصدر الاذن من النائب العام المساعد ودة عيب فى
إجراءات الضبط يستتبع براءة المتهم )
ازاي ده ... اذا لم
يكن النائب العام موجودا ووجب اصدار اذن ما حل محله فورا النائب العام
المساعد ... اضعف الايمان اذا لم يتوفر هذا ولا ذاك فيكون من وزير الداخليه
..
ثانيا : وكيل النيابة
وكيل النيابة هو المناط بالتحقيق بيرو
له المحضر والاحراز وبيثبت كل شىء بيجيلة وطبعا المتهم والظابط واجب وكيل
النيابة هنا انه يثبت كل شىء بيحصل أمامة فى غرفه
التحقيق يعنى مثلا يثبت إن الظابط بيقول
أقوله من ورق هو كاتبه على ايده ( كلهم بيعملوا كدة لانهم مبيكونوش عارفين
هيقولوا ايه ) يثبت كل سؤال بيقوله المحامى للظابط
على لسانة ويسمح للمحامى بإثبات كل ما
يريد فى محضر التحقيق مادام لم يخل بالمحضر من حيث أدابه وشروطة انما دة ما
بيحصلش ولو المحامى اتكلم ممكن يثبت له كل
الل هو عاوزة بس يعتبر مفيش ورقه له هتتعمل فى المحكمة ولا هيعرف يشتغل
مع ان المعروف ان النيابه هي الجهه المناط بها مراقبه السلطه التنفيذيه .. فهي الممثل عن الشعب ..( سلطه عامه )
ثالثا القاضى :
القاضى أحيانا يكون مصير على الحكم بقوة القانون (زى قضية الشرقيه اللى عرضتها من شويه)
لالالالالالالا مفيش قاضي مصير ..ازاي يكون مصير وهو اصلا له كامل الحريه في تكوين عقيدته .. القانون الجنائي
وأحيانا يكون عقيدتة من خلال المستندات والمرافعات الشفويه
والجلسات المعلنه والسريه
امته القاضى هيحكم بالبراءة هيحكم
بالبراءة لو الموضوع فيه فيه عيوب فى تنفيذ القانون يعنى مثلا إذن النيابة
غير موقع ، تنفيذ إذن النيابة بعد انتهاء مدته ، القبض قبل
استصدار إذن النيابة ، تفتيش الانثى
بغيرانثى ، عدم استصدار إذن من النيابة العامة بالقبض والتفتيش دى كلها
اسباب قانونية نص عليها القانون لازم القاضى يحكم بالبراءة
هو مش لازم اوي ..
ليه ؟ لان مفيش وكيل نيابه هايحط نفسه ف موقف زي دا انما هذا اللجانب
النظري ( يعني القانون بيقول كده ) انما في الحقيقه صعب جدا ..
إنما طبعا فى غير كدة القاضى حر فى
تكوين عقيدته من خلال المرافعات والادلة المقدمة إليه وما يملية عليه ضميرة
علشان ما نستغربش إن المتهم ممسوك ومعاه
المضبوطات وياخد براءة طبعا فى غير حالات التلبس بالجريمة
رابعا المحامى :
هو أخر من يدخل فى الموضوع وهو من يتولى
الموضوع المحامى بيمسك القضية بيشوف هل إجراءات الضبط مظبوطة ولا لاء هل
اتبعت الشرطة والنيابه الدور الصحيح
المنوط بهم فى وظيفتهم خطأئهم فى تأديه
عملهم هو مجال عمل المحامى يعنى عدم تأديتهم لعملهم هم السبب الذى يخرج
المتهم براءة بعض القضايا يكون متبع فيها الاسلوب
الصحيح فى كافة إجراءاتها فتكون فى تلك
الحالة مهمة الدفاع هى محاولة تخفيف العقوبة ولكن دور المحامى الاساسى هو
مراقبه الاجراءات فى الدعوى من الصحة والخطأ وهذا ما يسمية البعض بالثغرات
فى القانون
لا يوجد شئ اسمه
ثغرة قانونيه يا متر ( احنا اللي بنعلم الناس الخيبه) لكن في حاجه اسمها
خطأ في تطبيق القانون ادي الي عدم قبول المحكمه للقضيه
هذا عرض بسيط للوظائف السابقة واسلوب
عملها واكيد انا ناسى أشياء كتير جدا بس إن شاء الله مع أسئلتكم
واستفساراتكم هنكمل الموضوع مع بعض
مع خالص إحترامى للجميع
موضوع: الظابط .. وكيل النيابة.. القاضى .. المحامى ( أحزان وأمال ) 