قصيدة لكل الزوار

بسم الله الرحمن الرحيم
هذه قصيده يقولها شخص ما
وياريت لو هيؤدى هذا الموضوع الى ازاله عضويتى فارجو من الادمن انه يكتفى بحذف الموضوع او يلغى دخولى من المنتدى لفتره معينه
القصيده
يا شعبى حبيبى يا روحى يا بيبى يا حاطك فى جيبى يابن الحلال
يا شعبى يا شاطر يا جابر خواطر يا ساكن مقابر وصابر وعال
يا واكل سمومك يا بايع هدومك يا حامل همومك و شايل جبال
يا شعبى اللى نايم وسارح وهايم وفى الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشى حالك باتكال
واحب اللى ينصب واحب الى يكدب واحب الى ينهب ويسرق تلال
واحب اللى شايف وعارف وخايف وبالع لسانه وكاتم ما قال
واحب اللى قافل عيونه المغفل واحب البهايم واحب البغال
واحب اللى راضى واحب اللى فاضى واحب اللى عايز يربى العيال
واحب اللى يائس واحب اللى بائس واحب اللى محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تايد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
[size=xx-large]لكن لو تفكر تخطط تقرر تغلى مخك وتفتح جدال
وتبدا تشاكل وتعمل مشاكل وتنكش مسائل وتسأل سؤال
وعايز تنور وعايز وعايز تطور وتعملى روحك مفرد رجال
ساعتها حجيبك لا يمكن اسيبك وراح تبقى عبره وتصبح مثال
حبهدل جنابك واذل اللى جابك وحيكون عذابك ده فوق الاحتمال
وامرمط سعادتك واهز سيادتك واخلى كرامتك فى حالة هزال
وتلبس قضيه وتصبح رزيه وباقى حياتك تعيش فى انعزال

عجبتنى فتقلتها لكم بس بصراحة محذوف منها قطعة عشان بس اروح بيتنا

ربنا يستر بقة هههههههه